
«BIO TEX EKO» МЧЖ Андижон шаҳар филиали матбуот хизматининг маълум қилишича, шаҳарнинг Фаробий МФЙ, Ўзбекистон кўчаси (Пиёзпоя) ҳудудида жойлашган чиқиндихонага аҳоли томонидан қаттиқ маиший чиқиндилар тартибсиз ташланиши оқибатида шаҳар кўркини бузаётганлиги сабабли ёпилди. Ушбу чиқиндихонага қаттиқ маиший чиқинди ташлаш мумкин эмас. Ҳудуд камера назорати остига олинди.

Эндиликда Фаробий МФЙ, Ўзбекистон кўчаси ҳудудида истиқомат қилаётган аҳоли, жисмоний ва юридик шахсларга йўналиш жадвалига асосан сигнал режимида, қиска рақам 1348 ёки 95-203-20-00 рақамига берилган буюртмага асосан хизмат кўрсатилади.Эслатиб ўтамиз, чиқиндини бeлгиланмаган жойга ташлаганлик учун жарима бeлгиланган.

